އެންދެރި ޕްރޮޖެކްޓްގެ ޔޫއެންއީޕީގެ ޓާސްކް މެނޭޖަރު މިސް ކަވިތާ ޝަރުމާ 7-9 މެއި 2024 އަށް ލާމު އަތޮޅަށް ކުރެއްވި ދަތުރުފުޅުގައި ތަރިކާ މަގަށާއި ލާމު ގަންގެ ތަރިކަ ސަރަހައްދުތައް ކަމަށްވާ ޕަރީފެންގަނޑަށާއި ހަތްތެއްޔަށް ޒިޔާރަތްކުރައްވައި މޯލްޑިވްސް ހެރިޓޭޖް ސޮސައިޓީގެ ހަރަކާތްތަކާއި ލާމު އަތޮޅުގެ ލޯކަލް ކައުންސިލްތަކާއެކު އަޅުގަނޑުމެން ގުޅިގެން ހިންގާ ހަރަކާތްތަކާ ބެހޭ މައުލޫމާތު ހޯއްދެވިއެވެ.
ހައްދުންމަތީ ފޮނަދޫގައި ހުންނަ އާސާރީ މިސްކިތާބެހޭ މައުލޫމާތު ބޯޑެއް އެ މިސްކިތުގެ ގޯތިތެރޭގައި ހަރުކުރުމުގެ މަސައްކަތް މި ޖަމިއްޔާއިން މިއަދު ވަނީ ނިންމާފައެވެ. މި މައުލޫމާތު ބޯޑު ބެހެއްޓިފައިވަނީ ލ.ފޮނަދޫ ކައުންސިލްގެ އެހީތެރިކަމާއެކުގައެވެ. ދިވެހި ތާރީޚުގައި މަޝްހޫރު ފޮނަދޫ ދަންނަކަލޭގެފާނު ނުވަތަ އަލްޢައްލާމާ އަލްފަޤީޙް މުޙައްމަދު ސިރާޖުއްދީނުގެ ޒިޔާރަތް ހުންނަނީ މި މިސްކިތުގެ ގޯތިތެރޭގައެވެ.
ފަތުރުވެރިކަމާއި ބެހޭ ވަޒީރު އޮނަރަބަލް އިބްރާހިމް ފައިސަލް މިއަދު ގަމުގެ ތަރިކަތަކަށް ޒިޔާރަތްކުރެއްވިއެވެ.
މި ޒިޔާރަތުގައި ގަމުގެ މުހިންމު ތަރިކަތައް ކަމުގައިވާ ޕަރީފެންގަނޑާއި ހަތްތެލި ސަރަޙައްދު ބައްލަވާލައްވައި ޕަރީފެންގަނޑާއި ހަތްތެލި ގުޅުވައިދިނުމަށް މި ޖަމިއްޔާއިން އިސްނަގައިގެން ހަދާފައިވާ ތަރިކަމަގު ބައްލަވާލެއްވިއެވެ.
ވަޒީރު މިތަންތަނަށް ޒިޔާރަތްކުރެއްވުމުން މި ޖަމިއްޔާގެ ފަރާތުން މިތަންތަނާ ބެހޭ ތާރީޚީ މަޢުލޫމާތާއި މި ތަންތަން ތަރައްޤީކުރުމަށް މި ޖަމިއްޔާއިން ހުށައަޅާ ކޮންސެޕްޓާ ބެހޭގޮތުންނާއި ޖަމިއްޔާގެ ހަރަކާތްތަކާ ބެހޭގޮތުން ވަޒީރަށް މަޢުލޫމާތު އަރުވާފައިވާނެއެވެ.
ޤަައުމީ ތާރީޚު ދުވަހުގެ މުނާޞަބަތުގައި ބޭއްވި ޚާއްޞަ ބައްދަލުވުމުގައި މޯލްޑިވްސް ހެރިޓޭޖް ސޮސައިޓީ އާއި އައުޓްރީފް ސްޕޯޓްސް ކްލަބުން ގުޅިގެން މަސައްކަތްކުރުމަށް ފަހުމުނާމާގައި ސޮއިކުރުން.
ހައްދުންމަތީ ގަމަށް ޒިޔާރަތްކުރި ޖަރުމަނުގެ ކްރޫޒް ޝިޕެއްކަމުގައިވާ “ހެމްބާގް”ގެ ފަތުރުވެރިންނަށް މަރުހަބާ ދެންނެވުމުގެ ހަރަކާތް އިންތިޒާމުކުރުމުގައި ބައިވެރިވުން.
ތަރިކަމަގާއި ގުޅިފަައިވާ ސަރަޙައްދު އިތުރަށް ތަރައްޤީކުރުމަށްޓަކައި ސާވޭކުރަން ފެށުން.
އަޅުގަނޑުމެންގެ މަސައްކަތުގައި އެހީތެރިކަމާއި އެއްބާރުލުން ދެއްވުމަށް ނިންމެވީތީ ފޯސައިޓް މޯލްޑިވްސްގެ ޑައިރެކްޓަރ ފިރުދައުސްއާއި ޓީމަށް ޝުކުރު ދަންނަވަން.
މޯލްޑިވްސް ހެރިޓޭޖް ސޮސައިޓީގެ މަސައްކަތްތަކާ ބެހޭގޮތުންނާއި ހައްދުންމަތީ ގަމުގެ އާސާރީތަންތަނާ ބެހޭގޮތުން ށ.އަތޮޅު ކައުންސިލްގެ މެމްބަރުންނާއި މުވައްޒަފުންނަށް މަޢުލޫމާތު ދިނުން.
ދިވެހިންގެ މަޢުނަވީ ތަރިކައިގެ ތެރޭގައި ހިމެނޭ ޅެންވެރިކަމުގެ ދުނިޔޭގައި ޑޭޒީމަލުގެ ގޮތުގައި މަޝްހޫރުވި ޝާއިރާ އަލްމަރްޙޫމާ އައިމިނަތު ފާއިޒާ އާއި ދިވެހިދައުލަތަށް ދިގު މުއްދަތެއްގައި ޚިދުމަތްކުރެއްވި ޚިދުމަތްތެރިއެއް ކަމުގައިވާ އަލްމަރްޙޫމް އަންވަރު ޙިލްމީގެ ހަނދާނުގައި އެދެކަނބަލުގެ ދަރިކަލުން އަލްފާޟިލް މުޙައްމަދު ޙިލްމީ ތަރިކަ މަގުގައި 2 ގަސް އިންދެވުން.
މުޙައްމަދު ޙިލްމީއަކީވެސް އެކި ރޮނގުރޮނގުން ދިގު މުއްދަތަކަށް ދައުލަތަށް ޚިދުމަތްކުރެއްވި ޚިދުމަތްތެރިއެކެވެ.
ތަރިކަ މަގުގައި ގަސްއިންދެވުމުގައި އިސްނެންގެވީތީ އަޅުގަނޑުމެން ޝުކުރުދަންނަވަމުއެވެ.
ތަރިކަމަގު މަޝްރޫޢަކީ ލ.އަތޮޅު ކައުންސިލާއި ސިކްސް ސެންސަސް ލާމުގެ ސަސްޓެއިނަބިލިޓީ ފަންޑުގެ މާލީ އެހީތެރިކަމާއި ލ.ގަމުކައުންސިލްގެ އެހީތެރިކަމާ އެއްބާރުލުމާއެކު މޯލްޑިވްސް ހެރިޓޭޖް ސޮސައިޓީ އާއި އައުޓްރީފް ސްޕޯޓްސް ކްލަބު ގުޅިގެން ހިންގާ މަޝްރޫޢެކެވެ.
ގަސް އިންދުމުގައި ބައިވެރިވާން ބޭނުންވާ ފަރާތްތަކަށާއި ގަސް ހަދިޔާ ކުރުމަށް ބޭނުންވާ ފަރާތްތަކަށް އަޅުގަނޑުމެން މަރުހަބާ ދަންނަވަމުއެވެ.
