ފަތުރުވެރިކަމާއި ބެހޭ ވަޒީރު އޮނަރަބަލް އިބްރާހިމް ފައިސަލް މިއަދު ގަމުގެ ތަރިކަތަކަށް ޒިޔާރަތްކުރެއްވިއެވެ.
މި ޒިޔާރަތުގައި ގަމުގެ މުހިންމު ތަރިކަތައް ކަމުގައިވާ ޕަރީފެންގަނޑާއި ހަތްތެލި ސަރަޙައްދު ބައްލަވާލައްވައި ޕަރީފެންގަނޑާއި ހަތްތެލި ގުޅުވައިދިނުމަށް މި ޖަމިއްޔާއިން އިސްނަގައިގެން ހަދާފައިވާ ތަރިކަމަގު ބައްލަވާލެއްވިއެވެ.
ވަޒީރު މިތަންތަނަށް ޒިޔާރަތްކުރެއްވުމުން މި ޖަމިއްޔާގެ ފަރާތުން މިތަންތަނާ ބެހޭ ތާރީޚީ މަޢުލޫމާތާއި މި ތަންތަން ތަރައްޤީކުރުމަށް މި ޖަމިއްޔާއިން ހުށައަޅާ ކޮންސެޕްޓާ ބެހޭގޮތުންނާއި ޖަމިއްޔާގެ ހަރަކާތްތަކާ ބެހޭގޮތުން ވަޒީރަށް މަޢުލޫމާތު އަރުވާފައިވާނެއެވެ.