ދިވެހިންގެ މަޢުނަވީ ތަރިކައިގެ ތެރޭގައި ހިމެނޭ ޅެންވެރިކަމުގެ ދުނިޔޭގައި ޑޭޒީމަލުގެ ގޮތުގައި މަޝްހޫރުވި ޝާއިރާ އަލްމަރްޙޫމާ އައިމިނަތު ފާއިޒާ އާއި ދިވެހިދައުލަތަށް ދިގު މުއްދަތެއްގައި ޚިދުމަތްކުރެއްވި ޚިދުމަތްތެރިއެއް ކަމުގައިވާ އަލްމަރްޙޫމް އަންވަރު ޙިލްމީގެ ހަނދާނުގައި އެދެކަނބަލުގެ ދަރިކަލުން އަލްފާޟިލް މުޙައްމަދު ޙިލްމީ ތަރިކަ މަގުގައި 2 ގަސް އިންދެވުން.
މުޙައްމަދު ޙިލްމީއަކީވެސް އެކި ރޮނގުރޮނގުން ދިގު މުއްދަތަކަށް ދައުލަތަށް ޚިދުމަތްކުރެއްވި ޚިދުމަތްތެރިއެކެވެ.
ތަރިކަ މަގުގައި ގަސްއިންދެވުމުގައި އިސްނެންގެވީތީ އަޅުގަނޑުމެން ޝުކުރުދަންނަވަމުއެވެ.
ތަރިކަމަގު މަޝްރޫޢަކީ ލ.އަތޮޅު ކައުންސިލާއި ސިކްސް ސެންސަސް ލާމުގެ ސަސްޓެއިނަބިލިޓީ ފަންޑުގެ މާލީ އެހީތެރިކަމާއި ލ.ގަމުކައުންސިލްގެ އެހީތެރިކަމާ އެއްބާރުލުމާއެކު މޯލްޑިވްސް ހެރިޓޭޖް ސޮސައިޓީ އާއި އައުޓްރީފް ސްޕޯޓްސް ކްލަބު ގުޅިގެން ހިންގާ މަޝްރޫޢެކެވެ.
ގަސް އިންދުމުގައި ބައިވެރިވާން ބޭނުންވާ ފަރާތްތަކަށާއި ގަސް ހަދިޔާ ކުރުމަށް ބޭނުންވާ ފަރާތްތަކަށް އަޅުގަނޑުމެން މަރުހަބާ ދަންނަވަމުއެވެ.