މޯލްޑިވްސް ހެރިޓޭޖް ސޮސައިޓީގެ ވަފުދަކުން މޯލްޑިވްސް ނޭޝަނަލް ކޮމިޝަން ފޯ ޔުނެސްކޯގެ ސެކްރެޓަރީ ޖެނެރަލް އަލްފާޟިލާ ފާތިމަތު ޝިނާޒްއާ ބައްދަލުކުރައްވައިފިއެވެ. މިއީ ސަގާފީ ތަރިކަ ރައްކާތެރިކުރުމުގައި ގުޅިގެން މަސައްކަތްކުރެވިދާނެ ގޮތްތަކާމެދު މަޝްވަރާކުރެއްވުމަށް ބޭއްވެވި ބައްދަލުވުމެކެވެ.

މި މަޝްވަރާތަކުގައި، ސޮސައިޓީން މިހާރު ކުރިއަށްގެންދާ ހަރަކާތްތަކާއި ކުރިމަގުގައި ހިންގުމަށް ރާވާފައިވާ ހަރަކާތްތަކާ ގުޅޭގޮތުން މައުލޫމާތު ހިއްސާކުރައްވާފައިވެއެވެ. އަދި މި ޖަމިއްޔާއިން ކުރަމުންދާ މަސައްކަތްތައް އިތުރަށް ހަރުދަނާކުރުމަށް ޔުނެސްކޯގެ އެހީތެރިކަމާއި ފަންނީ ތަޖުރިބާ ބޭނުންކުރެވިދާނެ މައިގަނޑު ދާއިރާތަކާ ބެހޭގޮތުން މަޝްވަރާކުރެވިފައިވެއެވެ.