ދިވެހިބަހުގެ އެކެޑަމީގެ ރައީސް އަލްފާޟިލް ޙަސަން ޝާކިރު މުޙައްމަދާ މި ސޮސައިޓީގެ ރައީސް މިއަދު ބައްދަލުކުރައްވައިފިއެވެ.

މި ބައްދަލުކުރެއްވުމުގައި މި ސޮސައިޓީގެ މަގުސަދުތަކާއި މިހާރު ކުރިޔަށް ގެންދާ ތަފާތު ހަރަކާތްތަކާއި ކުރިޔަށް ރޭވިފައިހުރި ބައެއް ކަންކަމުގެ މައުލޫމާތު ހިއްސާކުރެއްވިއެވެ. އަދި މި ސޮސައިޓީގެ ހަރަކާތްތަކުގައި ދިވެހިބަހުގެ އެކެޑަމީއަށް ވެދެއްވިދާނެ އެހީތެރިކަމާ ބެހޭ ގޮތުންނާއި ދެ ފަރާތުން ގުޅިގެން ކުރިޔަށް ގެންދެވިދާނެ ބައެއް ކަންކަމާ ބެހޭ ގޮތުން ވެސް މަޝްވަރާކުރެއްވިއެވެ. ދިވެހިބަހުގެ އެކެޑަމީގެ ރައީސްގެ ވާހަކަފުޅުގައި މި ޖަމިއްޔާ އިން ކުރައްވަމުންގެންދަވާ މަސައްކަތްތަކުގެ މުހިންމުކަން ފާހަގަކުރައްވައި، ދެ ފަރާތް ގުޅިގެން ކުރެއްވިދާ ބައެއް ކަންކަން ފާހަގަ ކުރެއްވިއެވެ. އަދި މި ޖަމިއްޔާގެ ބައެއް މަސައްކަތްތަކަކީ، އެކެޑަމީގެ މަސައްކަތްތަކާ ވެސް ގުޅުންހުރި މަސައްކަތްތަކަކަށް ވާތީ ދެ ފަރާތަށް އޭގެ މަންފާކުރެވިދާނެ ގޮތަކަށް ކުރިޔަށް ދެވިދާނެ ރޮނގުތަކަކީ ކޮބައިތޯ އިތުރަށް ބެލިދާނެކަން ފާހަގަކުރެއްވިއެވެ. މި ބައްދަލުކުރެއްވުމުގައި މި ސޮސައިޓީގެ ޖެނެރަލް ސެކްރެޓަރީ އަޙްމަދު އަފްރަޙް ބައިވެރިވެވަޑައިގަތެވެ.

(ފޮޓޯތައް: ދިވެހިބަހުގެ އެކެޑަމީގެ ވެބްސައިޓް)