ގަމުގެ ޠަބީޢީ ތަރިކަ އާއި ޘަޤާފީ ތަރިކަ ގުޅުވަައިލުމަށް ލ.ގަމުގައި ހަދަމުންގެންދާ “ތަރިކަމަގު” ގައި އިންދުމަށްޓަކައި މާތުނޑި ޕްރައިވެޓް ލިމިޓެޑުން މިއަދުވަނީ ގަސް ހަދިޔާކުރުމާއި ގަސް އިންދުމުގެ ހަރަކާތެއް ކުރިޔަށް ގެންގޮސްފައެވެ.

ތަރިކަމަގުގައި އިންދުމަށް ގިނަ ޢަދަދެއްގެ އޮނުގަސް ހަދިޔާކޮށްދެއްވައި މިކަމުގައި ވަރަށް ފުރިހަމަ އަށް ބައިވެރިވެ ދެއްވީތީ މާތުނޑި ކުންފުނީގެ މެނޭޖިންގ ޑައިރެކްޓަރ އަލްފާޟިލް ޢަބުދުލްވައްޙާބު ޢަބުދު ٱللَّٰه އަށް މޯލްޑިވްސް ހެރިޓޭޖް ސޮސައިޓީ އިން ޝުކުރު ދަންނަވަމެވެ. ހައްދުންމަތީ އަތޮޅު ކައުންސިލަރ ކަމާއި ގަމު ކަތީބުކަމާއި ރަށުއޮފީހާއި ކައުންސިލްގައި ދިގުމުއްދަތަކަށް ޚިދުމަތްކުރެއްވި ޚިދުމަތްތެރިއެއްގެ ހައިސިއްޔަތުން މިމަގުގައި އޭނާ ވަނީ ރީތިގަހެއް އިންދަވައިދެއްވާފައެވެ.