Category (Event or News): News

ވިލާ އިންޓަރނޭޝަނަލް ހައި ސްކޫލްގެ ދަރިވަރުންނަށް ފޮނަދޫ އާސާރީ މިސްކިތާ ބެހޭގޮތުން މަޢުލޫމާތު ދިނުމަށް ބޭއްވި
ސެޝަންގައި މި މިސްކިތް ނިސްބަތްކުރެވޭ އަލްއައްލާމާ އަލްފަޤީޙް އަލްޚަތީބް މުޙައްމަދު ސިރާޖުއްދީންގެ ޚިދުމަތްތެރިކަމާއި ޢިލްމުވެރިކަމަށާއި ޤައުމިއްޔަތުގެ ރޮނގުން އެ ކަލޭގެފާނުގެ ސީރަތުން ލިބޭ ޢިބުރަތުގެ މައްޗަށް މަޢުލޫމާތު ދެވިފައިވެއެވެ. މީގެއިތުރުން އިހުގެ ގަލުވަޑާމާއި މިސްކިތް ބިނާކުރުމުގެ ވައްޓަފާޅިއާއި މީހުންވަޅުލުމާއި މަހާނައިގެ ކީލަތަކުގެ ފަރުމާކުރުމާއި ލިޔުންތެރިކަމާއި މިސްކިތާއި ޒިޔާރަތާ ގުޅޭ އާދަކާދަތައް ފަދަ ސަގާފީ ތަރިކައިގެ މައްޗަށް އަލި އަޅުވާލެވިފައިވެއެވެ.
ފޮނަދޫގެ މިފަޚުރުވެރި އާސާރީ ތަރިކަ އާ ގުޅޭ ކަންކަމުގައި ހެރިޓޭޖް ސޮސައިޓީ އާއި ފޮނަދޫ ކައުންސިލުން ގުޅިގެން ތަރިކަ އާ ބެހޭ ވުޒާރާގެ ލަފާގެ ދަށުން މިއަހަރުގެ ތެރޭގައި ކަންތައްތަކެއް ކުރުމަށް މިދަނީ މަސައްކަތްކުރަމުންނެވެ.

ވިލާ އިންޓަރނޭޝަނަލް ހައި ސްކޫލްގެ ދަރިވަރުން މިއަދު ގަމު ޕަރީފެންގަނޑަށް ޒިޔާރަތްކުރިއެވެ. މި ދަރިވަރުންނަށް މި މުހިންމު ތަރިކައާ ބެހޭގޮތުންނާއި މޫސުމީ ބަދަލުތަކުން ރައްކާތެރިކޮށްދިނުމުގައި ކަނޑޫފާ ޗަސްބިންތަކުން އަދާކުރާ މުހިންމު ދައުރާ ބެހޭގޮތުން މައުލޫމާތުދެވުނެވެ.

މާވަށު ސުކޫލުގެ ހޭންޑްބޯޅަ ޓީީމުގެ ދަރިވަރުންނާއި އޮފިޝަލުންނަށް ގަމު ހަތްތެއްޔާ ގުޅޭ މައުލޫމާތު ދިނުން. މި.ސެޝަން ކުރިއަށްގެންގޮސްދެއްވި ޖަމްއިއްޔާގެ ރައީސް އަލްފާޟިލް ޠާހާ އަބޫބަކުރުއެވެ .

ވީއައިއެޗްއެސް ސަގާފީ ދަތުރު 2024ގެ ބައިވެރިންނަށް ހައްދުންމަތީގެ ތާރީޚީ މައުލޫމާތު ދިނުމަށް މިޖަމިއްޔާގެ ރައީސް ޠާހާ އަބޫބަކުރު ނަންގަވައިދެއްވި ސެޝަންގެ ތެރެއިން

ލ. އަތޮޅު ކުލަބް/ ޖަމްޢިއްޔާތަކަށް މާލީ އެހީތެރިކަން ފޯރުކޮށްދިނުމަށް ހައްދުންމަތީ އަތޮޅު ކައުންސިލުން ހުޅުވާލި ފުރުޞަތުގައި އެކަމަށް އެދި މޯލްޑިވްސް ހެރިޓޭޖް ސޮސައިޓީން ހުށަހެޅުއްވުމުން އެފަރާތަށް މާލީ އެހީދިނުމުގެ އެއްބަސްވުމުގައި ސޮއިކުރުން.

މި އެގްރީމަންޓްގެ ދަށުންހިތަދޫގެ އިޙްތިސާސް ތެރޭގައި ހިމެނޭ ތަރިކަ ރައްކާތެރި ކުރުމާއި ރައްކާތެރި ގޮތުގައި އެތަންތަނުން ރަށާއި ރައްޔިތުންނަށް މަންފާވާނެ ކަންކަން ދެނެގަތުމާއި މިއާ ގުޅޭ ޕްލޭންތައް ތަންފީޒުކުރުމަށް ދެފަރާތުން މަސައްކަތް ކުރުމަށް އެއްބަސްވެވުނު. މީގެ އިތުރުން ރަށުގެ ތާރީޚީ އަދި ޘަގާފީ ކަންކަން ދިރާސާކުރުމާއި އެމަޢުލޫމާތު އެއްކޮށް އަރުޝީފު ކުރުމުގެ މަސައްކަތާއި ދިވެހި ބަހާއި ޤައުމިއްޔަތުގެ ރޮނގުން ދެފަރާތުން ގުޅިގެން މަސައްކަތްކުރުން ހިމެނޭ.

ގަމުގެ ޠަބީޢީ ތަރިކަ އާއި ޘަޤާފީ ތަރިކަ ގުޅުވަައިލުމަށް މޯލްޑިވްސް ހެރިޓޭޖް ސޮސައިޓީ އާއި އައުޓްރީފް ސްޕޯޓްސް ކްލަބު ގުޅިގެން ލ.ގަމުގައި ކުރިޔަށްގެންދާ “ތަރިކަމަގު” މަޝްރޫޢުގެ އަދާހަމަ ގަމުކައުންސިލާ ހިއްސާކުރުމަށް ބޭއްވި ބައްދަލުވުން.
މިބައްދަލުވުމުގައިވަނީ ތަރިކަމަގުގައި ގަސް އިންދަންފެށުމުގެ ގޮތުންގަމުކައުންސިލާއި އައުޓްރީފް ސްޕޯޓްސް ކްލަބާއި މޯލްޑިވްސް ހެރިޓޭޖް ސޮސައިޓީ ގުޅިގެން 30 ޑިސެންބަރު ވާ ހޮނިހިރު ދުވަހުގައި ގަސް އިންދުމުގެ ހަރަކާތެއް ހިންގުމަށް ނިންމާފައި. ތަރިކަމަގު މަޝްރޫޢަކީ ލ.އަތޮޅު ކައުންސިލުގެ މާލީ އެހީތެރިކަމާއި ގަމުކައުންސިލްގެ އެހީތެރިކަމާ އެއްބާރުލުމާއެކު ހިންގާ މަޝްރޫޢެއް.
ކުރިޔަށް އޮތް ދުވަސްތަކުގައި އެހެން މުއައްސަސާތަކާ ގުޅިގެންވެސް ގަސް އިންދުމުގެ ހަރަކާތްތައް ކުރިޔަށް ގެންދެވޭނެ.

ލ.އިސްދޫ ކައުންސިލާއި މޯލްޑިވްސް ހެރިޓޭޖް ސޮސައިޓީ އާއި ދެމެދު މެމޮރަންޑަމް އޮފް އެގްރީމަންޓެއްގައި ސޮއިކުރުން.
މި އެގްރީމަންޓްގެ ދަށުން އިސްދޫގެ އިޙްތިސާސް ތެރޭގައި ހިމެނޭ ތަރިކަ ރައްކާތެރި ކުރުމާއި ރައްކާތެރި ގޮތުގައި އެތަންތަނުން ރަށާއި ރައްޔިތުންނަށް މަންފާވާނެ ކަންކަން ދެނެގަތުމާއި މިއާ ގުޅޭ ޕްލޭންތައް ތަންފީޒުކުރުމަށް ދެފަރާތުން މަސައްކަތް ކުރުމަށް އެއްބަސްވެވުނު. މީގެ އިތުރުން ރަށުގެ ތާރީޚީ އަދި ޘަގާފީ ކަންކަން ދިރާސާކުރުމާއި އެމަޢުލޫމާތު އެއްތަންކޮށް އަރުޝީފު ކުރުމުގެ މަސައްކަތާއި ދިވެހި ބަހާއި ޤައުމިއްޔަތުގެ ރޮނގުން ދެފަރާތުން ގުޅިގެން މަސައްކަތްކުރުން ހިމެނޭ.

ގަމު ހަތްތެލި ސަރަޙައްދާއި ޕަރީފެންގަނޑު ސަރަޙައްދާ ދެމެދުގައި ހަދާ ތަރިކަމަގުގެ ޢަމަލީ މަސައްކަތް ފެށުން