Category (Event or News): News

ގަމުގެ މުހިންމު ދެތަރިކަ ކަމުގައިވާ ޕަރީފެންގަނޑަ ނުވަތަ ބޮޑަފެންގަނޑާއި ހަތްތެއްޔާ ދެމެދުގައި “ތަރިކަ މަގު”ގެ ނަމުގައި މޯލްޑިވްސް ހެރިޓޭޖް ސޮސައިޓީއިން ތަރައްޤީކުރުމަށް ހަމަޖެހިފައިވާ މަގުހިމެނޭ ސަރަޙައްދު ސާފުކުރުމުގެ މަސައްކަތުގެ އެއްބަސްވުމުގައި މޯލްޑިވްސް
ހެރިޓޭޖް ސޮސައިޓީއާއެކު ސޮއިކުރުން.
“ތަރިކަ މަގު”ގެ މަޝްރޫޢަކީ ލ.އަތޮޅު ކައުންސިލް އާއި ގަމު ކައުންސިލްގެ އެހީތެރިކަމާއެކު މޯލްޑިވްސް ހެރިޓޭޖް ސޮސައިޓީ އާއި އައުޓްރީފް ސްޕޯޓްސް ކްލަބް ގުޅިގެން ކުރިޔަށްގެންދިޔުމަށް ހަމަޖެހިފައިވާ މަޝްރޫޢެއް.

ފަންނާއި ސަޤާފަތާއި ތަރިކަ އާ ބެހޭ ވުޒާރާގެ ސްޓޭޓް މިނިސްޓަރ އަލްފާޟިލް މުޙައްމަދު ޠާރިޤް އާއި މޯލްޑިވްސް ހެރިޓޭޖް ސޮސައިޓީގެ ރައީސް ބައްދަލުކުރެއްވުން.
މިބައްދަލުވުމުގައި ރާއްޖޭގެ އާސާރީތަންތަންް ހިމާޔަތްކޮށް ބެލެހެއްޓުމުގައި ދިމާވާ ގޮންޖެހުންތަކާއި ޖަމިއްޔާއަށް ހުރި ފުރުޞަތުތަކާއި ފަންނީގޮތުން އެހީތެރިކަން ދެވިދާނެ ކަންކަމާ ބެހޭގޮތުން މަޝްވަރާކުރެވުނެވެ. ހައްދުންމަތީގައި ހުރި އާސާރީ މިސްކިތްތަައް މަރާމާތުކުރުމަށް ވުޒާރާއާއި ކައުންސިލްތަކާއި މިޖަމިއްޔާ ގުޅިގެން މަސައްކަތްކުރުމަށް މަގުފަހިކުރުމަށް ކުރެވެންހުރިކަންކަމާ ބެހޭގޮތުންވެސް މަޝްވަރާކުރެވުނެވެ.
ސްޓޭޓް މިނިސްޓަރ މުޙައްމަދު ޠޯރިޤަކީ 1980 ގެ އަހަރުތަކުން ފެށިގެން ސަޤާފީތަރިކަ ޙިމާޔަތްކުރުމުގެ ދާއިރާގައި ޚިދުމަތްކުރައްވަމުން ގެންދަވާ ބޭފުޅެކެވެ.

އިލްމު ޖަމިއްޔާގެ ރައީސް އަލްފާޟިލް ޙަސަން ޚަލީލާ މޯލްޑިވްސް ހެރިޓޭޖް ސޮސައިޓީގެ ރައީސް މިއަދު ބައްދަލުކުރެއްވިއެވެ.

މި ބައްދަލުވުމުގައި ދެ ޖަމިއްޔާ ގުޅިގެން މަސައްކަތްކުރެވޭނެ ދާއިރާތަކާއި އެއްބާރުލުން ދިނުމާ ބެހޭގޮތުން މަޝްވަރާކުރެވުނެވެ.  މިބައްދަލުވުމަކީ ދީނީ ރޮނގުން ހޭލުންތެރިކަން އިތުރުކުރުމަށް ރާއްޖޭގައި އެންމެ ފުޅާ ދާއިރާއެއްގައި ހަރަކާތްތެރިވާ އެއް ޖަމިއްޔާކަމުގައިވާ  އިލްމު ޖަމިއްޔާއިން ލ.ފޮނަދޫގައި  ޤާއިމުކުރި ޒަމާނީ ސްޓޫޑިއޯ ހުޅުވުމުގެ ރަސްމިއްޔާތަށް ފަހު އެ ސްޓޫޑިއޯގައި އޮތް ބައްދަލުވުމެކެވެ.

އަލްފާޟިލް ޢީސާ ޝަރީފަށް މިޖަމިއްޔާގެ ރައީސް ދިވެސްއަކުރުން ފަތެއް ފޮނުއްވީ ދިވެސްއަކުރު ފޮންޓެއް އުފައްދަވައި ޢާންމުކުރެއްވުމުން އެކަމަށް ޝުކުރު އަދާކުރެއްވުމުގެ ގޮތުންނެވެ.
ފަތުގެ ތާނަ ތަރުޖަމާއަކީ:
“ހިޖުރައިންއެކުސާސްތުރައެއްސަތޭކަސައުރަޔާޅީސްވަނައަވެރުދު ޒުލްހިއްޖާމަހު އަށްދުވަހު
ފުރަމާލޭ ބެއްޔަހުއްތުގެ އީސާ ސަރީފަށް ބަހެ. ތިބާ ތިޔަކުޅަ މަސައްކަތަށް ސާބަހާއި އައްސަރި ބަސް ފަށްކުރަމެ. މިމަސައްކަތް ފުޅާކުރުމުގެ ހެއު ތައުފީގު ތިބާއަށް ދެއްވާށިއެވެ. މިކަމަކީ އުވެމުން ނެތެމުންދާ ދިވެސް އަކުރަށް ލިބުނު އާރޯކަމެއް ކަމަށް ވާތީ މިއީ އެކަން ފާހަގަކޮށް ދިވެހިތަރިކަ ޖަމިއްޔާގެ ރައީސް ހައްދުންމަތީ ގަމު ތޯހާ އަޅާލިޔުނުފަތެވެ.”

މުލަކަތޮޅު ވައިރިއަފުށީ (ވާރެޔާފުށި) މީހުންނަށް ހިޖުރައިން 1141 ވަނަ އަހަރު ޒުލްޤައިދާމަހު (1729މ.) ގައި އައްސުލްޠާން އިބްރާހިމް -2 ވަނަ ދެއްވި ދިވެހިއަކުރު ފަތްކޮޅުގެ ތާނަ.
މިފަތްކޮޅުގައި ބަޔާންވެގެންވަނީ ވާރެޔާފުށީ މީހުން ބޮލިހިލާނެ ފަޅުތަކާއި ފަރުތަކުގެ ސަރަޙައްދު.
ވައިރިއަފުށްޓަކީ މިހާރު ކޮޅުފުށްޓާ އެއްވެފައިވާ ވާރެޔާފުށި.
ދިވެހި އަކުރުން އޮތް މިފަތްކޮޅު 11 ޖޫން 2023މ.ގައި ތާނަކުރެއްވީ ގަމު ޠާހާ އަބޫބަކުރު.